అడవులంటే ప్రజలకు ఇష్టం: మంత్రి ఇంద్రకరణ్​రెడ్డి

అడవుల్లోకి వెళ్లేందుకు ప్రజలంతా ఇష్టపడతారని అందుకే నగరంలో అటవీ పార్కులు ఏర్పాటు చేస్తున్నామని అటవీ శాఖ మంత్రి ఇంద్రకరణ్​రెడ్డి అన్నారు. మేడ్చల్​ జిల్లాలోని కండ్లకోయ ఆక్సిజన్​ పార్కులో నడకదారి, పక్షుల ఎన్​క్లోజర్​ను, బహదూర్​పల్లిలోని ఆయుష్​వనం పార్కును కార్మికశాఖ మంత్రి మల్లారెడ్డితో కలిసి ప్రారంభించారు.

నగరవాసులు స్వచ్ఛమైన గాలిలో, ఆహ్లాదకరమైన వాతావరణంలో కుటుంబసభ్యులతో కలిసి కాసేపు సేదతీరడానికి ఉద్యానవనాలు ఎంతో తోడ్పడతాయని అటవీశాఖ మంత్రి ఇంద్రకరణ్​రెడ్డి అన్నారు. మేడ్చల్​ జిల్లా కండ్లకోయలోని ఆక్సీజన్​ పార్కులో నడకదారిని, పక్షుల ఎన్​క్లోజర్​ను, బహదూర్​పల్లిలోని ఆయుష్​వనం పార్కును కార్మిక శాఖ మంత్రి మల్లారెడ్డితో కలిసి ప్రారంభించారు. వివిధ దేశాల నుంచి తెచ్చిన పక్షులను ఎన్​క్లోజర్​లో వదిలారు. 57ఎకరాల్లో ఏర్పాటు చేసిన ఆక్సిజన్ పార్కును అధికారులు అభివృద్ధి చేశారని ఇంద్రకరణ్​రెడ్డి అన్నారు. మేడ్చల్ నియోజకవర్గంలో ఏర్పాటు చేసిన ఆక్సిజన్ పార్క్​లను నగరవాసులు వినియోగించుకోవాలని మంత్రి మల్లారెడ్డి సూచించారు.

• ఇదీ చూడండి : సిద్దిపేటలో రూ. 2 కోట్ల విలువ చేసే గంజాయి పట్టివేత