గోవుల రవాణా గుట్టురట్టు

గోవుల సంరక్షణ కోసం అధికారులు ఎన్ని చర్యలు తీసుకుంటున్నా అక్రమార్కులు వదలడం లేదు. తాజాగా  ఒడిశా నుంచి హైదరాబాద్​కు  అక్రమంగా  తరలిస్తున్న  ఆవులను గోరక్షణ కార్యకర్తలు పట్టుకున్నారు.

ఒడిశా నుంచి హైదరాబాద్​కు అక్రమంగా గోవులను తరలిస్తున్నట్లు గోసంరక్షణ కార్యకర్తలకు పక్కా సమాచారం అందింది. మేడ్చల్ జిల్లా ఘట్​కేసర్ అవుటర్ రింగ్​రోడ్డు టోల్​గేట్ వద్ద తెల్లవారుజాము నుంచే కాపు కాచారు. అనుమానమొచ్చిన ప్రతి వాహనాన్ని తనిఖీ చేశారు. ఓ కంటైనర్​లో తరలిస్తున్న 50 ఆవులను పట్టుకున్నారు. డ్రైవర్ ఖలీద్, మరో వ్యక్తి సకుల్​ను పోలీసులకు అప్పగించారు. కేసు నమోదు చేసిన పోలీసులు గోవులను గోమాత సంరక్షణ కేంద్రానికి తరలించినట్లు తెలిపారు.