తొలి వ్యాక్సిన్ రాచకొండ సీపీ మహేశ్​ భగవత్​కే...​

తెలంగాణ వ్యాప్తంగా ఫ్రంట్​లైన్ వారియర్స్​కు కొవిడ్ వ్యాక్సినేషన్ ప్రారంభమైంది. అందులో భాగంగా మేడ్చల్​ జిల్లా మల్కాజిగిరిలో రాచకొండ సీపీ మహేశ్​ భగవత్​ మొదటి వ్యాక్సిన్​ను తీసుకున్నారు.

మేడ్చల్​ జిల్లా మల్కాజిగిరి ప్రాథమిక ఆరోగ్య కేంద్రంలో ఫ్రంట్​లైన్ వారియర్స్​ అయిన పోలీసులకు కొవిషీల్డ్​ వ్యాక్సిన్ ఇవ్వడం ప్రారంభమైంది. రాచకొండ సీపీ మహేశ్​ భగవత్​ మొదటి వ్యాక్సిన్​ను తీసుకున్నారు.

రాచకొండ కమిషనరేట్ పరిధిలో 49 కేంద్రాల్లో సుమారు 12వేల సిబ్బందికి వ్యాక్సిన్ తీసుకుంటున్నట్లు సీపీ మహేశ్ తెలిపారు. ఎవరూ భయాందోళన చెందవద్దని సూచించారు. వ్యాక్సిన్ తీసుకున్నా.. భౌతిక దూరం పాటించాలని రాచకొండ సీపీ మహేశ్ భగవత్ తెలిపారు.

ఇదీ చూడండి:పోలీసు సిబ్బందికి వ్యాక్సినేషన్ ప్రారంభం