కరోనా కట్టడికి సర్వత్రా అప్రమత్తం

కూకట్​పల్లి జంట సర్కిళ్లలో కరోనా రోజురోజుకు విజృంభిస్తోంది. దీంతో అధికారులు ప్రత్యేక చర్యలు చేపట్టారు. కూకట్​పల్లిలోని పట్టణ ఆరోగ్య కేంద్రాలతో పాటు పరిసర ప్రాంతాల్లో రాపిడ్​ కిట్​లతో పరీక్షలు నిర్వహిస్తున్నారు.

హైదరాబాద్​ కూకట్​పల్లి జంట సర్కిళ్లలో ఎక్కువగా కేసులు నమోదు అవుతున్నాయి. కూకట్​పల్లి ప్రాంతంలోని పట్టణ ఆరోగ్య కేంద్రంతో పాటు సమీపంలోని కేపీహెచ్​బీ కాలనీలోని ప్రాథమిక ఆసుపత్రి, ఎల్లమ్మబండలోని ప్రాథమిక ఆరోగ్య కేంద్రం, దీనబంధు కాలనీలోని ప్రాథమిక ఆరోగ్య కేంద్రం, బాలానగర్ ప్రాథమిక ఆరోగ్య కేంద్రంలో రాపిడ్ కిట్​లతో పరీక్షలు నిర్వహిస్తున్నారు.

మూడు రోజులుగా పరీక్షలు చేస్తుండటంతో సమీపంలో ఉండే వారు, పాజిటివ్ వచ్చిన వారితో ప్రాథమికంగా కాంటాక్ట్​లో ఉన్న వ్యక్తులు కేంద్రాలకు వచ్చి పరీక్షలు చేయించుకుంటున్నారు. ముఖ్యంగా ఈ సెంటర్​లో కరోనా లక్షణాలు ఉన్న గర్భిణీలకు పరీక్షలు నిర్వహిస్తున్నారు. ఈ సెంటర్లలో పరీక్షలు కొనసాగిస్తే బాగుంటుందని స్థానికులు అభిప్రాయపడుతున్నారు.

ఇదీ చూడండీ:చేవెళ్ల మండలంలో తొలి కరోనా మరణం