ఆర్థిక ఇబ్బందులతో కేబుల్​ ఆపరేటర్​ ఆత్మహత్య

మేడ్చల్​ జిల్లా సురారంలో ఆర్థిక ఇబ్బందులతో కేబుల్​ ఆపరేటర్​ భాస్కర్​ బలవన్మరణానికి పాల్పడ్డారు. గతంలోనూ ఆత్మహత్యకు యత్నించినట్లు కుటుంబ సభ్యులు తెలిపారు.

మేడ్చల్​ జిల్లా సురారంలో ఆర్థిక ఇబ్బందులతో కేబుల్​ ఆపరేటర్​ భాస్కర్​ ఆత్మహత్యకు పాల్పడ్డారు. మృతుడిని భార్య, ఇద్దరు పిల్లలున్నారు. సురారం మస్తాన బిల్డర్స్​లో గత ఎనిమిదేళ్లుగా భార్య, పిల్లలతో భాస్కర్​ నివాసముంటున్నాడు. కేబుల్​ ఆపరేటర్​గా పనిచేస్తూ జీవనం సాగిస్తున్నాడు. ఆదివారం.. అతని భార్య, ఇద్దరు పిల్లలతో దుండిగల్​లోని తన తల్లిదండ్రుల వద్దకు వెళ్లగా భాస్కర్​ మాత్రం ఇంటివద్దే ఉన్నాడు. ఎన్నిసార్లు ఫోన్​చేసినా స్పందించకపోవడంతో.. కంగారుపడిన భార్య ఇంటికొచ్చి చూసింది. ఉరివేసుకొని విగతజీవిగా కనిపించాడు. సమాచారం అందుకున్న పోలీసులు మృతదేహాన్ని గాంధీ ఆస్పత్రికి తరలించారు. కేసు నమోదు చేసుకొని దర్యాప్తు ప్రారంభించారు. భాస్కర్​ గతంలోనే పురుగుల మందు తాగేందుకు యత్నించగా కుటుంబ సభ్యులు అడ్డుకున్నారని సమాచారం.

ఇవీచూడండి:మేడ్చల్ జిల్లాలో బాలిక, వివాహిత అదృశ్యం