ఎమ్మెల్యే జన్మదినం సందర్భంగా రక్తదాన శిబిరం

ఓల్డ్ బోయిన్​పల్లి డివిజన్ కార్పొరేటర్ ముద్దం నరసింహ యాదవ్ ఆధ్వర్యంలో పెద్దఎత్తున రక్తదాన శిబిరం ఏర్పాటు చేశారు. కూకట్​పల్లి ఎమ్మెల్యే మాధవరం కృష్ణారావు జన్మదినం సందర్భంగా ఈ కార్యక్రమం ఏర్పాటు చేసినట్లు ఆయన వివరించారు.

కూకట్​పల్లి ఎమ్మెల్యే మాధవరం కృష్ణారావు జన్మదినాన్ని పురస్కరించుకుని ఓల్డ్ బోయిన్​పల్లి డివిజన్ కార్పొరేటర్ ముద్దం నరసింహ యాదవ్ ఆధ్వర్యంలో పెద్దఎత్తున రక్తదాన శిబిరం ఏర్పాటు చేశారు. రక్తదాన శిబిరాన్ని ఎమ్మెల్యే ప్రారంభించారు. రెడ్​క్రాస్ సొసైటీ ద్వారా దాదాపు 200 మందికిపైగా ఈ కార్యక్రమంలో పాల్గొన్నారు.

అనంతరం ఓల్డ్ బోయిన్​పల్లి డివిజన్ నాయకుల సమక్షంలో ఎమ్మెల్యే మాధవం కృష్ణారావు కేక్ కట్ చేశారు. ఎమ్మెల్యే నిండు నూరేళ్లు ఆయురారోగ్యాలతో జీవించాలని కార్పొరేటర్ ఆకాంక్షించారు. యువత స్వచ్ఛందంగా వచ్చి రక్తదాన శిబిరంలో పాల్గొనడం సంతోషంగా ఉందన్నారు.

ఈ కార్యక్రమంలో రెడ్ క్రాస్ సొసైటీ మేడ్చల్-మల్కాజిగిరి ఛైర్మన్ రాజేశ్వర్ రావు, సిబ్బంది, మాజీ మార్కెట్ యార్డ్ ఛైర్మన్ నరేందర్ గౌడ్, సౌత్ సెంట్రల్ రైల్వే బోర్డు మెంబర్ కర్రే జంగయ్య, మాజీ కౌన్సిలర్ కర్రే లావణ్య, కూకట్​పల్లి నియోజకవర్గ మైనార్టీ ప్రెసిడెంట్ ఇజాజ్, డివిజన్ ప్రెసిడెంట్ ఇర్ఫాన్ మజ్జి, కౌన్సిలర్ మక్కల నర్సింగ్ తదితరులు పాల్గొన్నారు.

• ఇదీ చూడండి :న్యాయవాదుల హత్యను సుమోటోగా స్వీకరించిన హైకోర్టు