బాచుపల్లి రోడ్డుపై ప్రయాణికుల పాట్లు.. పట్టించుకోని అధికారులు

మేడ్చల్ జిల్లాలోని బాచుపల్లి ప్రధాన రహదారి వాహనదారులకు నరకం చూపిస్తోంది. ఇటీవల కురిసిన భారీ వర్షాలకు తీవ్రంగా దెబ్బతిన్న రోడ్డుకు అధికారులు మరమ్మతులు చేయకపోవడంతో ప్రయాణికులకు పాట్లు తప్పడం లేదు.

మేడ్చల్ - మల్కాజిగిరి జిల్లా కుత్బుల్లాపూర్ నియోజకవర్గంలోని బాచుపల్లి ప్రధాన రహదారి ఇటీవల కురిసిన భారీ వర్షాలకు తీవ్రంగా దెబ్బతింది. గుంతలమయంగా తయారైన ఈ రోడ్డు ప్రమాదకరంగా మారి వాహనదారులకు నరకం చూపిస్తోంది. ఇటీవల స్థానిక ఎమ్మెల్యే వివేకానందకు కూడా ఈ ఇబ్బందులు తప్పలేదు.

బాచుపల్లి నుంచి ఇతర ప్రాంతాలకు వెళ్లడానికి ఇదే ప్రధాన రహదారి కావడంతో ప్రయాణికులకు ఇబ్బందులు తప్పడంలేదు. ఇప్పటికైనా అధికారులు స్పందించి వెంటనే మరమ్మతులు చేపట్టాలని స్థానికులు కోరుతున్నారు.

ఇదీ చదవండి:CP Anjani kumar: జోకర్‌ మాల్‌వేర్‌ ఓపెన్ చేస్తే అంతే సంగతులు