కారును ఢీకొన్న ఆటో... ఐదుగురికి గాయాలు

అతి వేగంతో అదుపు తప్పిన ఆటో కారును ఢీకొట్టింది. ఈ ఘటన మేడ్చల్ జిల్లా శామీర్ పేట మండలంలో చోటు చేసుకుంది. ఘటనలో ఐదుగురు గాయపడ్డారు.

మేడ్చల్ జిల్లా శామీర్​ పేట్ మండలం మజీద్ పూర్​లో రోడ్డు ప్రమాదం జరిగింది. ఆటో, కారు ఢీకొన్న ఘటనలో ఐదుగురికి తీవ్ర గాయాలయ్యాయి. రోడ్డు దాటుతున్న కారును, అదుపు తప్పిన ఆటో ఢీకొట్టడం వల్లే ఈ ప్రమాదం సంభవించిందని స్థానికులు తెలిపారు.

బల్కంపేట్ నుంచి కొమురవెల్లి మల్లన్న దర్శనానికి వెళ్తుండగా ఒకే కుటుంబంలోని ఐదుగురు వ్యక్తులు గాయాలపాలయ్యారు. క్షతగాత్రులను చికిత్స నిమిత్తం ములుగులోని ఆర్వీఎం ఆసుపత్రికి తరలించారు.

ఇవీ చూడండి : సర్కారు నిర్లక్ష్యం..రైతన్న ప్రాణంతో చెలగాటం