క్వారీలో రాళ్లు కొడుతుండగా ప్రమాదవశాత్తు వ్యక్తి మృతి

క్వారీ గుంతలో రాళ్ళు కొడుతున్న వ్యక్తి ప్రమాదవశాత్తు మృతి చెందిన ఘటన దుండిగల్​ ఠాణా పరిధిలో జరిగింది. గుంతలో రాళ్లు కొడుతుండగా పైన టిప్పర్ అన్​లోడ్​ చేయడం రాళ్లు మీదపడి మృతిచెందాడు.

మేడ్చల్ జిల్లా, దుండిగల్​ పోలీస్​ స్టేషన్​ పరిధిలో దారుణం జరిగింది. లారీ డ్రైవర్​ నిర్లక్ష్యంతో క్వారీ గుంతలో రాళ్లు కొడుతున్న వ్యక్తిపై రాళ్లు పడి మృతిచెందాడు. జవహర్​నగర్​కు చెందిన నాగరాజుకు భార్య ముగ్గురు పిల్లలతో బతుకుదెరువుకోసం దుండిగల్​ ఠాణా పరిధిలోని కైసర్​నగర్​కు వలసొచ్చాడు. స్థానికంగా ఇల్లు అద్దెకు తీసుకొని క్వారీలో రాళ్లు కొట్టుకుంటూ జీవనం సాగిస్తున్నాడు.

రోజుమాదిరి గానే క్వారీ గుంతలో రాళ్లు కొడుతుండగా క్వారీ పైనుంచి లారీలో రాళ్లను అన్​లోడ్​ చేయడం వల్ల రాళ్లు మీద పడడం వల్ల నాగరాజు ఘటనాస్థలిలోనే ప్రాణాలు కోల్పోయాడు. ప్రమాదాన్ని గుర్తించిన లారీ డ్రైవర్​ పరారీలో ఉన్నాడు. స్థానికుల సమాచారంతో ఘటనాస్థలికి చేరుకున్న పోలీసులు కేసు నమోదుచేసుకుని దర్యాప్తు చేస్తున్నారు. మృతదేహాన్ని పోస్టుమార్టం నిమిత్తం గాంధీ ఆస్పత్రికి తరలించారు.

ఇదీ చూడండి: చిన్నారిని కిడ్నాప్ చేశాడు..పోలీసులకు లొంగిపోయాడు..