కొంపల్లిలో బెట్టింగ్​ రాయుళ్ల అరెస్టు

బెట్టింగ్​లతో ఎన్నో కుటుంబాలు చిన్నాభిన్నమవుతున్నా.. ఈ వ్యసనానికి అలవాటైన వారిలో మాత్రం మార్పు రావడం లేదు. తాజాగా కొంపల్లిలోని ఓ ఇంట్లో బెట్టింగ్​లకు పాల్పడుతూ ఓ 42 మంది పోలీసులకు చిక్కారు. కేసు నమోదు చేసుకున్న పోలీసులు దర్యాప్తు చేస్తున్నారు.

మేడ్చల్​-మల్కాజిగిరి జిల్లా పేట్​-బషీరా​బాద్​​ పోలీస్​ స్టేషన్​ పరిధిలోని దొంతి శ్రీనివాస్​ అనే వ్యక్తి ఇంట్లో గత కొంతకాలంగా బెట్టింగ్ (చిత్తు-బొత్తు)కు పాల్పడుతున్న 42 మందిని పోలీసులు అదుపులోకి తీసుకున్నారు. వారి వద్ద నుంచి సుమారు రూ.3.44 లక్షలు స్వాధీనం చేసుకున్నారు.

కొంపల్లిలోని దొంతి శ్రీనివాస్​ ఇంట్లో గత కొంతకాలంగా పలువురు బెట్టింగ్​కు పాల్పడుతున్నారన్న విశ్వసనీయ సమాచారం మేరకు బాలానగర్ ఎస్​వోటీ పోలీసులు, పేట్-బషీరాబాద్ పోలీసులు దాడులు జరిపారు. చిత్తు బొత్తు ఆట ఆడుతూ బెట్టింగ్​లు కాస్తున్న 42 మంది వ్యక్తులను అదుపులోకి తీసుకున్నారు. వారిపై కేసు నమోదు చేశారు.

ఇవీ చూడండి:మహిళా భద్రతకు పోలీసుల సరికొత్త 'అస్త్రం'!