నర్సాపూర్​ను ప్లాస్టిక్​ రహితంగా మార్చుతాం : పురపాలక కమిషనర్

చెత్త సేకరణలో ప్రజాప్రతినిధులు, అధికారులు ఆదర్శంగా నిలవాలని మెదక్​ జిల్లా నర్సాపూర్ పురపాలక కమిషనర్ అశ్రిత్​కుమార్ అన్నారు. తడి, పొడి చెత్తను వేరువేరుగా చేసి వాహనాల్లో వేయాలన్నారు. కొత్త ఏడాది రోజే దగ్గరుండి ఇళ్లవద్దకు వాహనాలను పంపించారు.

మెదక్​ జిల్లా నర్సాపూర్​ను రాబోయే రోజుల్లో ప్లాస్టిక్​రహిత పట్టణంగా మార్చుతామని పురపాలక కమిషనర్​ అశ్రిత్​కుమార్​ తెలిపారు. కొత్త సంవత్సరం ప్రారంభం రోజున చెత్త వాహనాలను మున్సిపల్​ ఛైర్మన్​ మురళియాదవ్​, కౌన్సిలర్ల ఇళ్లవద్దకు పంపారు. ​తడి, పొడి చెత్తను వేరువేరుగా వేసి వీధుల్లోకి వచ్చే వాహనంలో వేయాలని సూచించారు.

ప్రజాప్రతినిధులతో ముందుగానే చెత్తను వేయించే కార్యక్రమం చేపట్టారు. నర్సాపూర్​ పురపాలికను ఆదర్శంగా తీర్చిదిద్దేందుకు పట్టణ ప్రజలు సహకరించాలని కమిషనర్​ కోరారు. చెత్తను ఎక్కడ పడితే అక్కడ కవర్లలో వేసి వీధుల్లో పడవేయవద్దని ప్రజలకు ఆయన విజ్ఞప్తి చేశారు.

ఇదీ చూడండి:ఉపాధి పనుల్లో 20 శాతం మంది వృద్ధులు