'మంత్రులు, ఎమ్మెల్యేలు బహిరంగ లేఖలు రాయాలి'

ఆర్టీసీ జేఏసీ పిలుపుమేరకు మెదక్ ఎమ్మెల్యే క్యాంపు కార్యాలయం ముట్టడికి ఆర్టీసీ కార్మికులు ప్రయత్నించారు. పోలీసులు వారిని అడ్డుకోగా తోపులాట జరిగింది.

ఆర్టీసీ జేఏసీ పిలుపు మేరకు మెదక్​లో కార్మికులు పాత బస్టాండ్ నుంచి ఎమ్మెల్యే క్యాంపు కార్యాలయం వరకు ప్రభుత్వానికి వ్యతిరేకంగా నినాదాలు చేస్తూ భారీ ర్యాలీ నిర్వహించారు. అనంతరం ఎమ్మెల్యే కార్యాలయం ముట్టడికి ప్రయత్నించగా పోలీసులు వారిని అడ్డుకున్నారు. ఈ ఘటనలో కార్మికులకు, పోలీసులకు మధ్య తోపులాట జరిగింది. మంత్రులు, ఎమ్మెల్యేలు ఆర్టీసీ కార్మికుల సమస్యల గురించి బహిరంగ లేఖలు రాయాలని.. ఆర్టీసీ ఐకాస నేతలతో చర్చలు జరపాలని, లేనిపక్షంలో సమ్మెను మరింత ఉద్ధృతం చేస్తామని హెచ్చరించారు.