విద్యార్థిని ఫొటోతో నోట్​బుక్స్​ పంపిణీ

మెదక్​ జిల్లా కుచంపల్లిలోని ప్రభుత్వ పాఠశాలలో ఎమ్మెల్సీ షేరి సుభాష్​ రెడ్డి విద్యార్థులకు నోట్​బుక్స్​ పంపిణీ చేశారు. వాటిపై పదో తరగతిలో పదికి పది మార్కులు సాధించిన విద్యార్థిని అమృత ఫొటో ప్రచురించారు. ఆమెలాగే అందరూ గొప్ప మార్కులు తెచ్చుకోవాలన్నారు.

మెదక్ జిల్లా హవేలీ ఘనపురం మండలం కుచంపల్లిలోని జిల్లా పరిషత్ ఉన్నత పాఠశాలలో ఎమ్మెల్సీ షేరి సుభాష్ రెడ్డి 6 నుంచి 10వ తరగతి చదివే విద్యార్థులకు నోట్ బుక్స్ పంపిణీ చేశారు. పదో తరగతి ఫలితాల్లో పదికి పది మార్కులు సాధించిన అమృతను సుభాష్​ రెడ్డి ఘనంగా సన్మానించారు. తన సొంత డబ్బులతో అమృత ఫోటొను నోట్​బుక్​లపై ప్రచురించి పంపిణీ చేశారు. అమృత లాగే విద్యార్థులందరూ అధిక మార్కులు సాధించాలని ఎమ్మెల్సీ ఆకాంక్షించారు.

ఇవీ చూడండి: అమ్మవారి చెంత అక్షరాభ్యాసం... పెరిగిన భక్తుల రద్దీ