మంత్రి హరీశ్​రావుకు నిజామాబాద్​ ఎంపీ అర్వింద్​ సవాల్​

వ్యవసాయ బోర్లకు మీటర్లు పెట్టాలని కేంద్రం ప్రవేశపెట్టిన బిల్లులో ఉంటే తాను రాజీనామా చేస్తానని నిజామాబాద్ ఎంపీ అర్వింద్ ఆర్థిక శాఖ మంత్రి హరీశ్​ రావుకు సవాల్​ విసిరారు. దుబ్బాక ఉప ఎన్నికలో భాజపా అభ్యర్థి రఘునందన్ రావు 30 వేల ఓట్ల మెజార్టీతో గెలుస్తాడని మెదక్​లో అన్నారు.

రైతులకు మేలు చేసేందుకు కేంద్ర ప్రభుత్వం వ్యవసాయ బిల్లు తీసుకొచ్చిందని నిజామాబాద్ ఎంపీ అర్వింద్ అన్నారు. ఈ బిల్లుతో రైతులకు ఎన్నో లాభాలు ఉన్నాయన్నారు. వ్యవసాయ బోర్లకు మీటర్లు పెట్టాలని కేంద్రం ప్రవేశపెట్టిన బిల్లులో ఉంటే తాను రాజీనామా చేస్తానని ఆర్థిక శాఖ మంత్రి హరీశ్​ రావుకు సవాల్​ విసిరారు.

బిల్లు డ్రాఫ్ట్ చదవకుండా, చర్చించకుండానే రాష్ట్ర ప్రభుత్వం వ్యతిరేకిస్తోందని అన్నారు. బిల్లులో రెన్యువల్ ఎనర్జీ పెంచుకోవాలని ఉందని చెప్పారు. అగ్రి బిల్లుల విషయంలో మీకు మీ మామకు ట్యూషన్ చెప్తా అని హరీశ్​ రావును ఉద్దేశించి వ్యాఖ్యానించారు. పెన్షన్ల విషయంలో మంత్రి హరీశ్​ రావు పూర్తిగా తప్పుడు ప్రచారం చేస్తున్నారని మండిపడ్డారు. గత ఎన్నికల సందర్భంగా కేంద్ర ప్రభుత్వం 75% ఇస్తుందని సీఎం కూతురు కవిత తన ప్రసంగంలో చెప్పిందని ఆయన గుర్తు చేశారు.

ఇదీ చూడండి:వరద నష్టం పరిశీలనకు కేంద్ర బృందం రాక