రైతు వేదికల నిర్మాణాలు త్వరగా పూర్తి చేయాలి: కలెక్టర్​

రైతు వేదికల నిర్మాణాలు త్వరగా పూర్తి చేయాలని మెదక్​ జిల్లా కలెక్టర్​ నగేశ్​ అధికారులను ఆదేశించారు. ఈ విషయంలో ఏమాత్రం నిర్లక్ష్యం చేసినా చర్యలు తప్పవని హెచ్చరించారు.

మెదక్​ జిల్లాలో నిర్మిస్తున్న రైతు వేదికల నిర్మాణాలను త్వరితగతిన పూర్తి చేయాలని కలెక్టర్​ నగేశ్​ అధికారులను ఆదేశించారు. ఈ విషయంలో ఏమాత్రం నిర్లక్ష్యం చేసినా చర్యలు తప్పవని హెచ్చరించారు. బుధవారం కలెక్టరేట్​లోని సమావేశ మందిరంలో అధికారులతో సమావేశం నిర్వహించారు.

జిల్లా వ్యాప్తంగా రైతు వేదికల నిర్మాణాలు చాలా వరకు పూర్తి కాలేదని ఈ విషయంలో సంబంధిత అధికారులు, సర్పంచ్​లు, పంచాయతీ కార్యదర్శులు ప్రత్యేక దృష్టి సారించి వాటిని పూర్తి చేయించాల్సిందిగా సూచించారు. ఆయా గ్రామాల్లో రైతులు తాము పండించే పంటలు, నియంత్రిత సాగు, వ్యవసాయ సంబంధిత సమావేశాలను నిర్వహించుకునేందుకు వీలుగా వీటి నిర్మాణం చేపట్టాలన్నారు.

ఇదీ చూడండి :ఆ యాప్​ సాయంతో.. సులభంగా సరకు రవాణా