పరీక్షల్లో తప్పాడని విద్యార్థి ఆత్మహత్య

ఇంటర్లో ఫెయిల్ అయ్యానని మరో విద్యార్థి ఉరి వేసుకుని ప్రాణాలు తీసుకున్నాడు. ఇంటర్ బోర్డు తప్పుగా ప్రచురించిందో... నిజంగానే తప్పాడో మొత్తానికి విద్యార్థి మృతితో ఆ కుటుంబం శోక సంద్రంలో మునిగింది.

మెదక్ జిల్లా చిన్న శంకరం పేట మండలంలో విషాదం జరిగింది. ఇంటర్ పరీక్షల్లో తప్పానని ఓ విద్యార్థి ఉరి వేసుకుని ఆత్మహత్య చేసుకున్నాడు. భారతి, శివ రాముల కుమారుడైన రాజు ఇంటర్ ద్వితీయ సంవత్సరం పరీక్షలు రాశాడు. సివిక్స్, ఎకనామిక్స్ పరీక్షలో తప్పాడు. మనస్తాపానికి గురైన రాజు ఈరోజు ఉదయం 6 గంటలకు దగ్గర్లోని ఉన్నత పాఠశాలకు వెళ్లి చెట్టుకు ఉరివేసుకుని ఆత్మహత్య చేసుకున్నాడు. కొడుకు మృతితో తల్లిదండ్రుల శోక సంద్రంలో మునిగిపోయారు.

ఇవీ చూడండి: నేడు తేలనున్న ఇంటర్​ ఫలితాల వివాదం