EDUPAYALA TEMPLE: ఏడుపాయల వనదుర్గాభవాని క్షేత్రంలో భక్తుల రద్దీ

EDUPAYALA TEMPLE: మెదక్ జిల్లాలోని ఏడుపాయల వనదుర్గాభవాని క్షేత్రంలో భక్తుల రద్దీ పెరిగింది. ప్రధాన ఘట్టం బండ్ల ఊరేగింపు కార్యక్రమం బుధవారం రోజున నిర్వహిస్తుండటంతో ఇతర ప్రాంతాల నుంచి భక్తులు పెద్దఎత్తున తరలివచ్చారు. వేలాది మంది మంజీరా నది పాయల్లో పుణ్యస్నానాలు ఆచరించి అమ్మవారిని దర్శించుకున్నారు.

EDUPAYALA TEMPLE: ప్రసిద్ధ పుణ్యక్షేత్రం ఏడుపాయలలో రెండవ రోజు భక్తుల రద్దీ కొనసాగుతోంది ప్రధాన ఘట్టమైన బండ్ల ఊరేగింపు బుధవారం రోజు కావడంతో పెద్ద ఎత్తున వివిధ ప్రాంతాల నుంచి తరలివస్తున్నారు.

అమ్మవారి దర్శనం కోసం క్యూలైన్లలో భక్తుల రద్దీ

భక్తులు మంజీరా నది పాయలో స్నానమాచరించి అమ్మవారిని దర్శించుకున్నారు. డప్పుల దరువు , జయజయ ధ్వానాల మధ్య బండ్ల ఊరేగింపు కన్నుల పండగగా సాగనుంది. ఆనవాయితీ ప్రకారం పాపన్నపేట సంస్థానాధీశుల బండి ఏడుపాయలకు బయలు దేరింది.

ఏడుపాయల వనదుర్గాభవాని

గురువారం రథోత్సవ కార్యక్రమం నిర్వహించనున్నారు. భక్తులకు ఎలాంటి అవాంఛనీయ ఘటనలు జరగకుండా మెదక్ డీఎస్పీ సైదులు ఆధ్వర్యంలో పోలీసులు పటిష్ట బందోబస్తు ఏర్పాటు చేశారు.

ఇదీ చదవండి:Harish rao at Edupayala: వందకోట్లతో ఏడుపాయల అభివృద్ధి: హరీశ్​ రావు