ఘనంగా పదో తరగతి విద్యార్థుల వీడ్కోలు సమావేశం

మెదక్​ జిల్లా ముప్పిరెడ్డిపల్లిలోని జిల్లా పరిషత్​ ఉన్నత పాఠశాల పదో తరగతి విద్యార్థులకు వీడ్కోలు సమావేశం ఘనంగా జరిగింది. విద్యార్థుల సాంస్కృతిక కార్యక్రమాలు ఆకట్టుకున్నాయి.

మెదక్ జిల్లా మనోహరాబాద్ మండలం ముప్పిరెడ్డిపల్లి గ్రామంలోని జిల్లా పరిషత్​ ఉన్నత పాఠశాలలో వీడ్కోలు సమావేశం ఘనంగా నిర్వహించారు. ఈ సందర్భంగా పదో తరగతి విద్యార్థులు పాఠశాలతో తమ అనుబంధాల్ని గుర్తు చేసుకున్నారు.

విద్యార్థులు కష్టపడి చదివి పరీక్షల్లో మంచి మార్కులతో ఉత్తీర్ణత సాధించాలని పాఠశాల ప్రధానోపాధ్యాయులు రవీందర్​ రెడ్డి పేర్కొన్నారు. విద్యార్థులు ప్రదర్శించిన సాంస్కృతిక కార్యక్రమాలు ఆకట్టుకున్నాయి. కార్యక్రమంలో పలువురు స్థానిక ప్రజాప్రతినిధులు, విద్యార్థుల తల్లిదండ్రులు పాల్గొన్నారు.

ఇవీ చూడండి: మార్చి 31 వరకు అన్ని విద్యాసంస్థలు, థియేటర్లు, బార్లు బంద్​: కేసీఆర్‌