విద్యార్థి కాలర్​ పట్టుకుని చెంపపై కొట్టి...

విద్యార్థులందరూ ప్రశాంతంగా పరీక్ష రాస్తున్నారు. ఒక విద్యార్థి కాపీ కొడుతున్నట్లు భావించిన ఫ్లయింగ్ స్క్వాడ్ ఏం చేయాలి? డిబార్ అయినా చేయాలి లేదా అతడిని పరీక్ష రాయకుండా పంపిచేయాలి. ఈ అధికారిణి మాత్రం విద్యార్థిని కొట్టి తన కోపాన్ని ప్రదర్శించారు.

మెదక్ జిల్లా కౌడిపల్లి ప్రభుత్వ కళాశాలలో ఇంటర్ పరీక్ష రాస్తున్న విద్యార్థిని స్క్వాడ్ కొట్టారంటూ... సహచర విద్యార్థులు ధర్నా చేశారు. కాపీయింగ్​కు పాల్పడ్డాడని పర్యవేక్షణాధికారిణి కాలర్​ పట్టుకుని కొట్టారని తెలిపారు. ఎందుకు కొడుతున్నారని అడిగినా... వినిపించుకోలేదని పేర్కొన్నారు. ఈ వ్యవహారమంతా పరీక్షకేంద్రంలో ఏర్పాటు చేసిన సీసీ కెమెరాలో నిక్షిప్తమైంది.

విద్యార్థి ఆత్మహత్యాయత్నం

మనస్తాపంతో ఆ విద్యార్థి ఆత్మహత్యకు యత్నించగా పోలీసులు అడ్డుకున్నారు. పరీక్షలు ముగిసిన అనంతరం విద్యార్థులు కళాశాల ఎదుట ధర్నా చేశారు. ప్రైవేట్​ పాఠశాల పరీక్షా కేంద్రాలకు వెళ్లకుండా ఇక్కడికే వస్తున్నారని ఆరోపించారు. విద్యార్థులకు పోలీసులు సముదాయించి ఆందోళన విరమింపజేశారు.
కాపీ చేస్తే డిబార్​ చేయాలని... కొట్టడం ఏంటని విద్యార్థులు ఆగ్రహం వ్యక్తం చేశారు. విద్యార్థిని కొట్టిన విషయం తమదృష్టికి రాలేదని ఎస్సై తెలిపారు. ఫిర్యాదు వస్తే విచారణ చేపడుతామని చెప్పారు.

ఇవీ చూడండి:కేసీఆర్ దేశానికి దిక్సూచి