నర్సాపూర్​లో వేగంగా విస్తరిస్తున్న కరోనా

నర్సాపూర్​ నియోజకవర్గంలో కరోనా కేసులు రోజురోజుకు పెరుగుతున్నాయి. కరోనా కట్టడి కోసం పురపాలక, గ్రామ పంచాయతీల ఆధ్వర్యంలో శానిటైజేషన్​ పనులు చేపట్టారు. ప్రజలు అప్రమత్తంగా ఉండాలని అధికారులు సూచించారు.

మెదక్​ జిల్లా నర్సాపూర్​ నియోజకవర్గంలో కరోనా వ్యాప్తి ఉద్ధృతంగా ఉంది. మంగళవారం నర్సాపూర్​ పట్టణంలో 13, మండల వ్యాప్తంగా 03 మొత్తం 16 కేసులు నమోదయ్యాయి. శివ్వంపేటలో 04, కౌడిపల్లిలో 07, వెల్దుర్థిలో 10 మంది వైరస్​ బారిన పడ్డారు.

తాజాగా నాగ్సానిపల్లికి చెందిన వృద్ధుడు కరోనాతో గాంధీలో సోమవారం మృతి చెందాడు. భుడిరంపేటకు చెందిన మాజీ సర్పంచ్​ మంగళవారం కన్నుమూసింది. కేసులు సంఖ్య పెరగడం వల్ల స్థానికంగా ఆందోళన నెలకొంది. అధికారులు గ్రామాల్లో పారిశుద్ధ్య కార్యక్రమాలు, శానిటైజేషన్​ చేశారు. ప్రజలు అప్రమత్తంగా ఉండాలని సూచిస్తున్నారు.