రోడ్డు మధ్యలో ఆగిన బస్సు... స్తంభించిన ట్రాఫిక్​

జాయింట్ ​రాడ్​ విరిగి ఓ ఆర్టీసీ బస్సు రోడ్డు మధ్యలోనే ఆగిపోయిన ఘటన మెదక్​ జిల్లా పసుపులేరు వంతెనపై జరిగింది. రెండు గంటలపాటు ట్రాఫిక్​ స్తంభించడం వల్ల ప్రయాణికులు తీవ్ర ఇబ్బందులు ఎదుర్కొన్నారు.

నారాయణఖేడ్ డిపోకు చెందిన ఆర్టీసీ బస్సు మెదక్ నుంచి నారాయణఖేడ్​కు వెళ్తుండగా జాయింట్ రాడ్​ విరిగిపోవడం వల్ల పసుపులేరు వంతెనపై రోడ్డుకు మధ్యలోనే ఆగిపోయింది. దీంతో రెండు గంటలపాటు ట్రాఫిక్ స్తంభించిపోయింది. ప్రయాణికులు తీవ్ర ఇబ్బందులు ఎదుర్కొన్నారు. సమాచారం అందుకున్న మెదక్ గ్రామీణం పోలీసులు ట్రాఫిక్​ను నివారించి వంతెనపై ఆగిన ఆర్టీసీ బస్సును జేసీబీ సహాయంతో పక్కకు తరలించారు. బస్సులో ఉన్న 50 మంది ప్రయాణికులను తాత్కాలిక కండక్టర్ రాజేష్ వేరే బస్సులోకి ఎక్కించారు.

ఇవీ చూడండి: ఆర్టీసీ విలీనంపై ఏపీలో జగన్​ కమిటీ వేశారు అంతే!