కలెక్టరేట్​లో ఈ–ఆఫీస్​ను ప్రారంభించిన అడిషనల్​ కలెక్టర్​ నగేశ్​

మెదక్​ జిల్లాలోని అన్ని ప్రభుత్వ కార్యాయాలను కాగిత రహిత కార్యాలయాలుగా మార్చాలని జిల్లా అదనపు పాలనాధికారి నగేశ్​ తెలిపారు. మెదక్​ జిల్లాలో మొట్టమొదటిగా కలెక్టరేట్​లో శనివారం ఈ–ఆఫీస్​ను ప్రారంభించారు.

ప్రభుత్వ సూచనలపై ప్రభుత్వ కార్యాలయాల్లో కాగితరహిత కార్యకలాపాలకు శ్రీకారం చుట్టినట్లు జిల్లా అదనపు పాలనాధికారి నగేశ్​ తెలిపారు. శనివారం జిల్లా కలెక్టరేట్​లో ఈ ఆఫీస్​ను ప్రారంభించారు. త్వరలోనే జిల్లా వ్యాప్తంగా అన్ని కార్యాలయాల్లోను ఈ ఆఫీస్​ కార్యకలాపాలు ప్రారంభమవుతాయని తెలిపారు.

ఈ–సేవ, మీ–సేవ తరహాలో ఈ –ఆఫీస్​లను ఎలాంటి కాగితాలు, పేపర్లు ఉపయోగించకుండా పనులు నిర్వర్తించాలన్నారు. అధికారుల సంతకాలను డిజిటల్ సిగ్నేచర్​ కీ (డీఎస్​కీ) తయారు చేయించాలని... ఏదైనా సంతకం ఉంటే ఆన్​లైన్​లోనే లాగిన్​ చేసుకోవాల్సిందిగా వివరించారు. కార్యక్రమంలో ఎన్​ఐసీ జిల్లా మేనేజర్​ సందీప్​, ఐటీఈ అండ్​ సీ డిపార్టుమెంట్​, ఎన్​ఐసీ సిబ్బంది తదితరులు పాల్గొన్నారు.

ఇదీ చూడండి:నిర్మల్ జిల్లాలో అంబరాన్నంటిన జెండా పండుగ సంబరాలు