అక్రమ మట్టి తవ్వకాలపై టాస్క్​ఫోర్స్​ దాడులు

ప్రభుత్వ నిబంధనలకు విరుద్ధంగా మట్టిని తరలిస్తున్న ఎనిమిది మందిని రామగుండం టాస్క్​ఫోర్స్ పోలీసులు అరెస్ట్ చేశారు. మంచిర్యాల జిల్లా బొక్కలగుట్ట గ్రామంలో దాడులు చేసి ట్రాక్టర్లను స్వాధీనం చేసుకుని పోలీస్​ స్టేషన్​కు తరలించారు.

మంచిర్యాల జిల్లా రామకృష్ణాపూర్ మండలం బొక్కలగుట్ట గ్రామంలో అక్రమంగా మట్టిని తరలిస్తున్న ఎనిమిది మందిని రామగుండం టాస్క్​ఫోర్స్ పోలీసులు అదుపులోకి తీసుకున్నారు. రామగుండం పోలీస్ కమిషనర్ సత్యనారాయణ ఆదేశాల మేరకు దాడులు నిర్వహించినట్లు టాస్క్​ఫోర్స్ సీఐ కిరణ్ వెల్లడించారు.

ఈ దాడుల్లో ఎనిమిది ట్రాక్టర్లను స్వాధీనం చేసుకుని స్థానిక పోలీస్​స్టేషన్​కు తరలించారు. ప్రభుత్వ నిబంధనలకు విరుద్ధంగా అక్రమ తవ్వకాలు చేపట్టడం చట్టరీత్యా నేరమని సీఐ తెలిపారు. ఈ దాడుల్లో టాస్క్​ఫోర్స్ సిబ్బంది సంపత్​కుమార్, భాస్కర్​గౌడ్, ఓంకార్, రాకేష్ పాల్గొన్నారు.

ఇదీ చూడండి:బంగాళాఖాతంలో వాయుగుండం.. రాష్ట్రంలో విస్తారంగా వర్షాలు