ఎమ్మెల్యే బాల్క సుమన్​పై కలెక్టర్​కు ఫిర్యాదు

కోవిడ్​-19 నిబంధనలు ఉల్లంఘిస్తూ చెన్నూర్​ నియోజకవర్గంలో ఎమ్మెల్యే బాల్క సుమన్​ వివిధ కార్యకలాపాలు నిర్వహిస్తున్నట్లు తెదేపా నాయకుడు సంజయ్​ కుమార్​ కలెక్టర్​కు ఫిర్యాదు చేశారు. అతనిపై తక్షణమే చర్యలు తీసుకోవాలని కోరారు.

మంచిర్యాల జిల్లా చెన్నూర్​ ఎమ్మెల్యే బాల్క సుమన్​పై తెదేపా నాయకుడు సంజయ్​ కుమార్ జిల్లా కలెక్టర్​కు​ ఫిర్యాదు చేశారు. కోవిడ్​-19 నిబంధనలు ఉల్లంఘిస్తూ నియోజకవర్గంలో వివిధ కార్యకలాపాలు నిర్వహిస్తున్నట్లు తెలిపారు.

ఎమ్మెల్యే క్యాంపు కార్యాలయంలో నిబంధనలకు విరుద్ధంగా కార్యకర్తలతో సమీక్ష సమావేశాలకు హాజరవుతున్నట్లు పేర్కొన్నారు. ఆయన తీరుపై చెన్నూరు పోలీస్ స్టేషన్​లో ఫిర్యాదు చేయడానికి వెళ్తుంటే పోలీసులు ఇందారం క్రాస్ రోడ్డు వద్ద తన వాహనాన్ని అడ్డుకొని రాత్రి వరకు స్టేషన్​లో ఉంచారని కలెక్టర్​కు తెలిపారు.