కొవిడ్ పరీక్షలు చేయాలంటూ కాసిపేటగని కార్మికుల ధర్నా

మంచిర్యాల జిల్లా కాసిపేటగని వద్ద కార్మికులు ధర్నా చేపట్టారు. తమకు కొవిడ్​ పరీక్షలు నిర్వహించాలంటూ ఆందోళన చేపట్టారు. విధులకు హాజర్వవాలంటే కార్మికులంతా కరోనా భయంతో ఆవేదన చెందుతున్నారని తెలిపారు.

మంచిర్యాల జిల్లా బెల్లంపల్లి మండలం కాసిపేటగని వద్ద తెలంగాణ బొగ్గు గని కార్మిక సంఘం ఆధ్వర్యంలో కార్మికులు ధర్నా చేపట్టారు. ప్రైమరీ కాంటాక్ట్​ కార్మికులందరికీ కొవిడ్​ పరీక్షలు చేయాలని డిమాండ్​ చేశారు.

కరోనా భయంతో కార్మికులు ఇబ్బందులు పడుతున్నారని ఆవేదన వ్యక్తం చేశారు. సింగరేణి యాజమాన్యం స్పందించి వైరస్​ టెస్టులు చేయాలని విన్నవించుకుంటూ సంబంధిత అధికారులకు వినతిపత్రం అందజేశారు.

ఇదీ చూడండి :పీఎస్​కు వచ్చే ఫిర్యాదు పేపర్లను ఇస్త్రీ చేస్తున్న పోలీసులు