'కౌన్సిలర్లు పట్టించుకోకపోతే నాకు కంప్లైంట్​ ఇవ్వండి'

వార్డుల్లోని సమస్యలను కౌన్సిలర్లు పట్టించుకోకపోతే తనకు ఫిర్యాదు చేయాలని ఎమ్మెల్యే దివాకర్​రావు పురప్రజలను కోరారు. మంచిర్యాల నియోజకవర్గంలో నూతనంగా ఎన్నికైన పాలకవర్గంతో శాసనసభ సభ్యులు సమావేశం ఏర్పాటు చేశారు.

మంచిర్యాల నియోజకవర్గంలోని ప్రజలు తెరాస పార్టీ చేస్తున్న సంక్షేమ పథకాలను ఆదరించి తమ అభ్యర్థులను ఎన్నుకున్నందుకు ఎమ్మెల్యే దివాకర్​రావు ఓటర్లకు కృతజ్ఞతలు తెలిపారు. వార్డుల్లో ఉన్న సమస్యలను గుర్తించి వాటి పరిష్కార దిశగా కృషిచేయాలని కౌన్సిలర్లకు సూచించారు.
లక్షెట్టిపేట, నస్పూర్​, మంచిర్యాల మున్సిపాలిటీల్లో నూతనంగా ఎన్నికైన పాలకవర్గంతో ఎమ్మెల్యే సమావేశం ఏర్పాటు చేశారు. వార్డుల్లో నెలకొన్న సమస్యలను కౌన్సిలర్లు విస్మరిస్తే పుర ప్రజలు నేరుగా తనకు ఫిర్యాదు చేయాలని ఎమ్మెల్యే దివాకర్ రావు తెలిపారు.

ఇవీ చూడండి: నిర్భయ దోషి క్షమాభిక్ష పిటిషన్​పై నేడు సుప్రీం విచారణ