'ఆచార్యునికి ప్రజలు రుణపడి ఉంటారు'

మంచిర్యాల జిల్లా కేంద్రంలోని ఆర్ అండ్ బీ అతిథి గృహంలో మంచిర్యాల శాసనసభ్యుడు దివాకర్ రావు ఆచార్య జయశంకర్ చిత్రపటానికి పూలమాలవేసి నివాళులర్పించారు.

ఆచార్య జయశంకర్ 86వ జయంతిని పురస్కరించుకొని మంచిర్యాల జిల్లా కేంద్రంలోని ఆర్ అండ్ బీ అతిథి గృహంలో మంచిర్యాల శాసనసభ్యులు దివాకర్ రావు ఆచార్య జయశంకర్ చిత్రపటానికి పూలమాలవేసి నివాళులర్పించారు. తెలంగాణ రాష్ట్ర సాధన కోసం తొలిదశ ఉద్యమం నుంచి కీలక పాత్ర పోషించిన మహోన్నతమైన వ్యక్తిని ఎమ్మెల్యే కొనియాడారు.

రాష్ట్ర సాధనతో ఆయన ఆత్మ శాంతి చేకూరిందని అన్నారు. ఇడ్లీ సాంబార్ గో బ్యాక్ ఉద్యమంలో ప్రొఫెసర్ జయశంకర్ ముందుండి పోరాటాన్ని నడిపించారని మలిదశ ఉద్యమంలో తెలంగాణ జాతిపితగా తమ అధినేత కేసీఆర్ కి సూచనలు అందించిన ఆచార్యునికి తెలంగాణ ప్రజలు ఎల్లప్పుడూ రుణపడి ఉంటారని ఎమ్మెల్యే అన్నారు.