మంచిర్యాల మున్సిపల్ ఎన్నికల ఫలితాల్లో కారు జోరు చూపించింది. జిల్లాలోని అన్ని పురపాలికల్లో తెరాస జయకేతనం ఎగురవేసింది. మంచిర్యాల మున్సిపాలిటీలో 36 స్థానాలకు గానూ తెరాస 21 స్థానాలు సొంతం చేసుకుంది. కాంగ్రెస్‌ 14, ఇతరులు ఒక స్థానం గెలుచుకున్నారు. బెల్లంపల్లిలో 34 స్థానాలకు గానూ అధికార పార్టీ 25 వార్డుల్లో విజయం సాధించి... మున్సిపాలిటీపై గులాబీ జెండా ఎగురవేసింది. కాంగ్రెస్‌ 2, భాజపా 1, ఇతరులు 6 స్థానాలు గెలుచుకున్నారు. చెన్నూర్‌లో 18 స్థానాలు ఉండగా 16 వార్డులు గులాబీ ఖాతాలో వేసుకుంది. ఇతరులు రెండు వార్డులు గెలుచుకున్నారు.
నస్పూర్లో 25కు 10 స్థానాలు గెలుచుకుని తెరాస ఆధిపత్యం చాటుకుంది. కాంగ్రెస్‌ 6, భాజపా 3, ఇతరులు 6 స్థానాలు గెలుపొందారు. విజయానికి అవసరమైన సీట్లు దక్కకపోయినా.. స్వతంత్ర అభ్యర్థులు, ఎక్స్ అఫీషియో ఓట్ల సాయంతో ఛైర్మన్ గిరి సొంతం చేసుకోవాలని ప్రణాళికలు సిద్ధం చేసింది.