అటవీశాఖ అధికారులపై వేటు

వేటగాళ్లు అమర్చిన విద్యుత్ తీగలకు బలైన పెద్దపులి కేసులో అక్కడి ఇంచార్జ్ బీట్ అధికారి జ్యోతిని సస్పెండ్ చేశారు. వన్యప్రాణుల సంరక్షణలో... ఎంతటి అధికారులైనా ఉపేక్షించేది లేదని అధికారులు స్పష్టం చేశారు. అడవికి హాని కలిగించే వారిపై కఠిన చర్యలు తీసుకుంటామని హెచ్చరించారు.

మంచిర్యాల జిల్లాలో విధి నిర్వహణలో నిర్లక్ష్యం చేసిన అటవీశాఖ అధికారులపై వేటు పడిందిపది రోజుల వ్యవధిలోనే చిరుత, పెద్ద పులులు వేటగాళ్లు ఉచ్చుకి బలయ్యాయి. నిందితులపై చర్యలు చేపట్టిన అధికారులు, క్షేత్రస్థాయి ఉద్యోగులపై కూడా శాఖాపరమైన చర్యలు తీసుకున్నారు. ఒక బీట్ అధికారి, మరో ముగ్గురు అధికారులకు ఛార్జి మెమోలు జారీ చేశారు.

జైపూర్ మండలంలోని శివ్వారంలో వేటగాళ్లు అమర్చిన విద్యుత్ వైర్లకు బలైన పెద్దపులి కేసులో అక్కడి ఇంచార్జ్ బీట్ అధికారి జ్యోతిని సస్పెండ్ చేశారు. ఇన్​ఛార్జ్ సెక్షన్ అధికారి బాలకృష్ణకు చార్జీ మెమో ఇచ్చారు. రంగపేటలో వేటగాళ్ల ఉచ్చుకు బలైన చిరుత పులి కేసులో సెక్షన్ అధికారి చంద్రమోహన్, బీట్ అధికారి సంతోష్​కు చార్జ్ మెమోలు జారీ చేశారు.

వన్యప్రాణుల సంరక్షణలో... ఎంతటి అధికారులైనా ఉపేక్షించేది లేదని అధికారులు స్పష్టం చేశారు. అడవికి హాని కలిగించే వారిపై కఠిన చర్యలు తీసుకుంటామని హెచ్చరించారు.