మంచిర్యాల జిల్లాలో కరోనా కేసుల సంఖ్య రోజురోజుకు పెరుగుపోతున్నాయి. తాజాగా నిర్వహించిన కరోనా పరీక్షల్లో శనివారం రోజున మరో ఆరు పాజిటివ్ కేసులు నమోదయ్యాయి. ఈ కేసులతో ఇప్పటి వరకు జిల్లాలో నమోదైన కేసుల సంఖ్య 30కి చేరింది. వీరంతా ఈ నెల 12 న మహారాష్ట్ర నుంచి తమ సొంత ఊళ్లకు వచ్చినవారేనని అధికారులు చెబుతున్నారు.
మంచిర్యాల జిల్లాలో కరోనా కలవరం... ఆరుగురికి పాజిటివ్ - కొవిడ్-19 వార్తలు
మంచిర్యాల జిల్లాలో రోజురోజుకు కరోనా మహమ్మారి విజృంభిస్తోంది. ఇవాళ ఒక్కరోజే ఆరుగురికి కరోనా పాజిటివ్ వచ్చినట్లు అధికారులు వెల్లడించారు. వీరంతా మహారాష్ట్ర నుంచి స్వగ్రామాలకు వచ్చిన వలస కార్మికులేనని తెలిపారు.
మంచిర్యాల జిల్లాలో కరోనా కలవరం... ఆరుగురికి పాజిటివ్
జన్నారం మండలానికి చెందిన తపాలపూర్ గ్రామానికి చెందిన నలుగురు, రోటిగూడ గ్రామానికి చెందిన ఓ వ్యక్తికి, చింతలపల్లికి చెందిన మరొకరికి వైరస్ సోకినట్లు తేలింది. వీరిని బెల్లంపల్లి ఐసోలేషన్ వార్డు నుంచి హైదరాబాద్లోని గాంధీ ఆసుపత్రికి తరలించారు. ఇప్పటివరకు జన్నారం మండలంలోనే 17 మందికి కరోనా పాజిటివ్ వచ్చినట్టు అధికారులు వెల్లడించారు.
ఇవీ చూడండి:'వ్యక్తిగత పరిశుభ్రతే వైరస్ నివారణకు మందు'