పెట్రోల్ బంక్కు పూలదండ.. ఎందుకో తెలుసా?
02:15 April 01
పెట్రోల్ బంక్కు పూలదండ.. ఎందుకో తెలుసా?
పెట్రోల్, డీజిల్, గ్యాస్ ధరలు తగ్గించాలంటూ కాంగ్రెస్ ఆధ్వర్యంలో వినూత్నరీతిలో నిరసన వ్యక్తం చేశారు. మంచిర్యాల జిల్లా బెల్లంపల్లిలో రైల్వే స్టేషన్ ఎదురుగా ఉన్న పెట్రోల్ బంక్కు ప్రదర్శనగా వెళ్లిన కాంగ్రెస్, ఎన్ఎస్యూఐ కార్యకర్తలు బంక్కు పూలదండ వేసి నిరసన వ్యక్తం చేశారు. అనంతరం ఖాళీ సిలిండర్లతో రాష్ట్రీయ రహదారిపై రాస్తారోకో నిర్వహించారు.
మోదీ ప్రభుత్వం ఇంధనం, గ్యాస్ ధరలు పెంచుతూ సామాన్యుడి నడ్డి విరుస్తోందని విమర్శించారు. పెంచిన ధరలను వెంటనే తగ్గించాలని డిమాండ్ చేశారు. లేకుంటే కేంద్ర ప్రభుత్వానికి ప్రజలే తగిన గుణపాఠం చెబుతారని హెచ్చరించారు. రాష్ట్ర మహిళ కాంగ్రెస్ ప్రధాన కార్యదర్శి శారద, ఎన్ఎస్యూఐ జిల్లా అధ్యక్షుడు ఆదర్శ్ వర్ధన్, ఇతర నేతలు పాల్గొన్నారు.
ఇదీచూడండి:మోయలేని పెట్రో భారం.. ప్రత్యామ్నాయాలవైపు వినియోగదారుల చూపు