మంచిర్యాల జిల్లా బెల్లంపల్లి ఆంధ్రాబ్యాంక్లో చోరీకి విఫలయత్నం జరిగింది. తెల్లవారుజామున 2 గంటల సమయంలో ముసుగు ధరించిన దుండగుడు బ్యాంక్ ప్రధాన ద్వారం తాళాలు పగలగొట్టి దొంగతనానికి యత్నించాడు. గడ్డపారతో లాకర్ తెరిచేందుకు విఫలయత్నం చేశాడు. ఏటీఎం గది వెనుకవైపు నుంచి తలుపును తెరిచేందుకు ప్రయత్నించడం వల్ల సైరన్ మోగింది. భయాందోళనకు గురైన దొంగ అక్కడ నుంచి పారిపోయాడు. సెన్సార్ ద్వారా చోరీ యత్న సమాచారం ఆంధ్రా బ్యాంక్ ముంబై కార్యాలయానికి చేరింది. అక్కడున్న అధికారులు బెల్లంపల్లి ఒకటో పట్టణ పోలీసులకు సమాచారం అందించారు. పోలీసులు బ్యాంకుకు చేరుకునే లోపే దొంగ అక్కడి నుంచి పారిపోయాడు.
బెల్లంపల్లి ఏసీపీ బాలుయాదవ్ ఘటన స్థలాన్ని పరిశీలించారు.
సీసీ కెమెరాల్లో నిందితుడి దృశ్యాలు నమోదయ్యాయని.. త్వరలోనే కేసును ఛేదిస్తామన్నారు.
ఇవీ చూడండి:లోక్సభ ఎన్నికల వేళ 15 కోట్లకు పైగా సొత్తు జప్తు
