వానరాల ఆకలి తీరుస్తున్న అర్చకుడు

తాను అర్చకత్వం చేస్తున్న గుడిలో వానరాలు ఆకలితో అలమటిస్తుంటే చూడలేకపోయాడు. తానే స్వయంగా వండుకుని వచ్చి కోతులకు ఆహారాన్ని అందిస్తున్నారు మంచిర్యాల జిల్లా గూడెంలోని సత్యనారాయణ స్వామి దేవాలయ అర్చకుడు సురేందర్​.

మంచిర్యాల జిల్లా దండేపల్లి మండలం గూడెంలోని సత్యనారాయణ స్వామి దేవాలయాన్ని లాక్​డౌన్​ కారణంగా మూసివేశారు. తర్వాత అక్కడ ఉన్న వందలాది వానరాలు ఆకలితో ఆలమటిస్తున్నాయి. ప్రతినిత్యం ఆలయానికి వచ్చే భక్తులు పండ్లు, కొబ్బరి అందించేవారు. ఇప్పడు అలాంటి పరిస్థితి లేదు. ఆలయ అర్చకుడు సురేందర్​ కోతుల ఆకలి చూడ లేక తానే స్వయంగా వండుకొని వానరాల ఆకలి తీరుస్తున్నాడు.

ఇవీచూడండి:ప్రపంచవ్యాప్తంగా 'లక్ష' దాటిన కరోనా మరణాలు