ఓవైపు కార్మికుల సమ్మె..మరోవైపు అద్దె బస్సుల టెండర్లు

ఆర్టీసీ కార్మికులు తమ సమస్యలను పరిష్కించాలని డిమాండ్‌ చేస్తూ 18 రోజులుగా సమ్మె చేస్తుంటే... ప్రభుత్వం మాత్రం అద్దె బస్సులకు టెండర్ల ప్రక్రియ పూర్తి చేసింది.

ఓ వైపు కార్మికులు అద్దె బస్సులను వద్దంటూ ఆందోళనలు చేస్తుంటే... మరోవైపు ప్రభుత్వం అద్దె బస్సుల టెండర్ల ప్రక్రియ నిర్వహించింది. ఈ నెల 15న టెండర్లకు నోటిఫికేషన్‌ను జారీ చేయగా.. నిన్న స్వీకరించారు. మహబూబ్‌నగర్‌ రిజీయన్‌ పరిధిలోని 9 డిపోలకు సంబంధించిన టెండర్లను అధికారులు స్వీకరించారు. నిర్దేశించిన 51 బస్సులకు రెండు వేలకు పైగా దరఖాస్తులు దాఖలయ్యాయి. ఊహించని విధంగా దరఖాస్తులు రావడంతో అధికారులు టెండర్ల ప్రక్రియ అర్ధరాత్రి వరకు కొనసాగించారు.