పాలమూరు-రంగారెడ్డి ఎత్తిపోతల పథకం రెండో దశలో కాల్వల నిర్మాణాలకు సంబంధించి నేడు పర్యావరణ ప్రజాభిప్రాయ సేకరణ జరగనుంది. ఇందుకు అధికారులు ఏర్పాట్లు పూర్తి చేశారు. నాగర్ కర్నూల్ జిల్లా వెల్దండ, మహబూబ్‌నగర్ జిల్లా హన్వాడ, నారాయణపేటలో ప్రజాభిప్రాయ సేకరణ చేపట్టనున్నారు. ఇప్పటికే నిర్మాణంలో ఉన్న జలాశయాల నుంచి కాల్వలు తవ్వి ఆయకట్టుకు సాగునీరు అందించనున్నారు. పాలమూరు-రంగారెడ్డి ఎత్తిపోతల పనుల ప్రారంభంలో పర్యావరణానికి హాని కలుగుతుందని కొందరు న్యాయస్థానాల్లో కేసులు వేశారు. అందువల్ల పనుల్లో జాప్యం జరుగుతుందని వివిధ సందర్భాల్లో ప్రభుత్వం వెల్లడించింది. ఆ పరిస్థితులు తలెత్తకుండా ప్రజాభిప్రాయ సేకరణ చేపడుతున్నారు.
ప్రజాభిప్రాయ సేకరణ కీలకం..
భూసేకరణకు 27 వేల 185 ఎకరాల భూమి అవసరమని అధికారులు గుర్తించారు. ఇప్పటికే 25 వేల 312 ఎకరాలు సేకరించారు. మరో 1,872 ఎకరాల భూమి అవసరం ఉంది. నార్లాపూర్, ఏదుల, వట్టెం, కర్వెన, ఉదండాపూర్ జలాశయాల నుంచి వివిధ నియోజకవర్గాలకు సాగునీరు అందించనున్నారు. నారాయణపేట జిల్లాలోని 9 మండలాల్లో లక్షా 60 వేల ఎకరాలు, మహబూబ్‌నగర్ నియోజకవర్గంలో 22 వేల 219 ఎకరాలు, జడ్చర్లలో లక్షా 36 వేల ఎకరాలు, దేవరకద్రలో 58 వేల 452 ఎకరాలు, అచ్చంపేటలో 2 వేల 357 ఎకరాలు, నాగర్‌కర్నూల్లో 35 వేల ఎకరాలకు, కల్వకుర్తిలో 63 వేల 144 ఎకరాలకు సాగునీరు అందించాల్సి ఉంది. అందులో భాగంగా ప్రజాభిప్రాయ సేకరణ కీలకం కానుంది.
మద్దతు కోసం కేటీఆర్ వినతి..