వర్షకాలం వచ్చింది... పరిసరాలు శుభ్రంగా ఉంచండి

పరిసరాల పరిశుభ్రతపై అధిక ప్రచారం నిర్వహించాలని రాష్ట్ర కాలుష్య నియంత్రణ మండలి ఛైర్మన్ జస్టిస్ సి.వి రాములు సూచించారు. వర్షాకాలంలో నివాస ప్రాంతాల్లో నీటి స్తబ్ధత లేకుండా చూసుకోవాలన్నారు.

ప్లాస్టిక్​ వాడకాన్ని పూర్తి స్థాయిలో నిషేధించే దిశగా అధికారులు చర్యలు చేపట్టాలని రాష్ట్ర కాలుష్య నియంత్రణ మండలి ఛైర్మన్​ జస్టిస్​ సి.వి.రాములు ఆదేశించారు. మహబూబ్​నగర్​ జిల్లాలో పర్యటించిన ఆయన... కలెక్టరేట్, పురపాలక కార్యాలయాలతో పాటు జిల్లా ఆస్పత్రి, డంపింగ్​ యార్డులను పరిశీలించారు. ఆస్పత్రిలో వ్యర్థ పదార్థాల నిర్వహణను, డంపింగ్​ యార్డ్​లో వర్మీ కంపోస్ట్​ తయారీ విధానాన్ని పరిశీలించారు. పరిసరాలు పరిశుభ్రంగా ఉండేలా చూసుకోవాలని ఈ విషయంపై ప్రజలకు అవగాహన కల్పించాలని అధికారులను నిర్దేశించారు.

• ఇదీ చూడండి : 27న నూతన సచివాలయం, అసెంబ్లీకి శంకుస్థాపన