'లాక్​డౌన్​కు అందరూ సహకరించాలి'

కొవిడ్​ కట్టడికి అమలు చేస్తున్న లాక్​డౌన్​కు అందరూ సహకరించాలని దేవరకద్ర ఎమ్మెల్యే ఆల వెంకటేశ్వర్​ రెడ్డి అన్నారు. లాక్​డౌన్​ నిబంధనలు పాటించి కొవిడ్​ను అరికట్టాలని సూచించారు.

నియోజకవర్గంలో లాక్​డౌన్​ అమలు పరిస్థితిని ఎమ్మెల్యే ఆల వెంకటేశ్వర్​ రెడ్డి పరిశీలించారు. మహబూబ్​నగర్ జిల్లా దేవరకద్ర, కొత్తకోట, భూత్పూర్ మండల కేంద్రాల్లో ఆయన పర్యటించారు. లాక్‌డౌన్​కు పూర్తి మద్దతుగా ప్రజలు బయటకు రాకపోవడం అభినందనీయమన్నారు.

అత్యవసర పరిస్థితుల్లో బయటకు వెళ్లాల్సి వస్తే మాస్కు ధరించాలని, శానిటైజర్​ వెంటే ఉంచుకోవాలని, భౌతిక దూరం పాటించాలని ఎమ్మెల్యే సూచించారు. కొవిడ్​ బాధితులెవరు ఆధైర్యపడొద్దని... మెరుగైన వైద్య సదుపాయాలు కల్పిస్తున్నామని ఎమ్మెల్యే వివరించారు.

ఇదీ చూడండి:నిబంధనలు ఉల్లంఘించిన వారికి కౌన్సిలింగ్, జరిమానా