మహబూబ్‌నగర్‌ను క్రీడల హబ్గా తీర్చిదిద్దుతామని క్రీడలు, పర్యాటక, సాంస్కృతిక శాఖ మంత్రి శ్రీనివాస్ గౌడ్ అన్నారు. మహబూబ్ నగర్ జిల్లా కేంద్రంలోని స్టేడియం మైదానంలో ఐదు రోజుల పాటు నిర్వహించిన జాతీయ పారా మోటార్ ఛాంపియన్ షిప్ ముగింపు వేడుకల్లో ఆయన పాల్గొన్నారు.
"భారత దేశంలో ఎక్కడా నిర్వహించని విధంగా జాతీయ పారా మోటార్ ఛాంపియన్ షిప్ కార్యక్రమం నిర్వహించడం ద్వారా దేశ వ్యాప్తంగా మహబూబ్‌నగర్‌కు మంచి గుర్తింపు వచ్చింది. మహబూబ్ నగర్‌లో అన్ని రకాల క్రీడలను అభివృద్ధి చేసి క్రీడలకు హబ్గా జిల్లాని తీర్చిదిద్దుతాం. ఇప్పటికే జిల్లా కేంద్రంలో వాలీబాల్ అకాడమీ, మహిళ క్రీడాకారులకు హాస్టల్ భవన ఏర్పాటుకు చర్యలు తీసుకుంటున్నాం"