'ప్రభుత్వానికి చెడ్డపేరు తెస్తే... సొంతపార్టీ వారైనా ఉపేక్షించం'

ప్రభుత్వానికి చెడ్డపేరు తెస్తే... సొంత పార్టీ నేతలపైనా చర్యలకు వెనుకాడబోమని మంత్రి శ్రీనివాస్ గౌడ్​ తెలిపారు. అధికారులు, ప్రజాప్రతినిధులు సమన్వయంతో పనిచేసి గ్రామాలను, పట్టణాలను అభివృద్ధి చేయాలని సూచించారు.

గ్రామాల్లో మౌలిక వసతుల కల్పన, సమస్యల పరిష్కారం బాధ్యత సర్పంచ్​లు, ప్రత్యేక అధికారులదేనని మంత్రి శ్రీనివాస్ గౌడ్ స్పష్టం చేశారు. మహబూబ్​నగర్​ జిల్లాలో పంచాయతీరాజ్​ సమ్మేళనంలో మంత్రి పాల్గొని ప్రసంగించారు. పక్షం రోజుల్లో శ్మశాన వాటికలు, డంపింగ్ యార్డులు, నర్సరీలు పూర్తి చేయాలని అధికారులను ఆదేశించారు.

పంచాయతీకి అవసరమైన భూములివ్వాలని అటవీశాఖ అధికారులను ఆదేశించారు. అవసరమైన చోట భూములు కొనుగోలు చేయాలన్నారు. ప్రజా సేవే లక్ష్యంగా సర్పంచ్​లు పనిచేయాలని సూచించారు. సర్పంచ్​లు నిబంధనలకు విరుద్ధంగా వ్యవహరిస్తే చర్యలు తీసుకోవాలని కలెక్టర్​ని ఆదేశించారు. అక్రమ లే అవుట్​లపై కఠినంగా వ్యవహరించాలని... తద్వారా పంచాయతీల ఆదాయాన్ని పెంచాలన్నారు.

ఇదీ చూడండి :'వైరాలో అభివృద్ధి పనుల జాప్యంపై మంత్రి ఆగ్రహం'