ఎరువుల దుకాణాల్లో ఆర్డీవో తనిఖీలు... డీలర్లకు జరిమానాలు

ఎరువుల డీలర్లు కృత్రిమ కొరత సృష్టించినా, అవకతవకలకు పాల్పడినా చర్యలు తప్పవని మహబూబ్​నగర్​ ఆర్డీవో శ్రీనివాసులు అన్నారు. మహబూబ్​నగర్​ జిల్లా జడ్చర్లలో ఎరువుల దుకాణాల్లో తనిఖీలు చేసి నిబంధనలు పాటించని వారికి జరిమానా విధించారు.

ఎరువుల డీలర్లు కృత్రిమ కొరత సృష్టిస్తున్నారని... ఎరువులు లభించడంలేదని రైతుల ఆందోళన నేపథ్యంలో ఆర్డీవో శ్రీనివాసులు దుకాణాల్లో తనిఖీలు చేపట్టారు. మహబూబ్​నగర్ జిల్లా జడ్చర్లలో ఆయన తనిఖీలు చేసి నిబంధనలు పాటించని వారికి జరిమానాలు విధించారు. డీలర్ల వద్ద ఉన్న నిల్వలు, అమ్మకాలు జరుగుతున్న తీరును పరిశీలించారు.

జడ్చర్లలోని రెండు దుకాణాలు నిబంధనలు పాటించకుండా అమ్మకాలు చేపట్టడంపై ఆగ్రహం వ్యక్తం చేశారు. కొవిడ్​ నిబంధనలు పాటించకుండా విక్రయాలు జరిపిన రెండు దుకాణాలకు 10 వేల రూపాయలు జరిమానా విధించారు. ఎరువుల డీలర్లు కృత్రిమ కొరత సృష్టిస్తే, అవకతవకలకు పాల్పడితే చర్యలు తప్పవని హెచ్చరించారు.

ఇవీ చూడండి:'కొత్త రెవెన్యూ చట్టం తెస్తే మంచి కంటే చెడే ఎక్కువ'