జవాను కుటుంబాన్ని ఆదుకుంటాం : శ్రీనివాస్​ గౌడ్​

దేశసేవలో ప్రాణాలర్పించిన అమర జవాన్​ పరశురాం కుటుంబాన్ని అన్ని విధాలా ఆదుకుంటామని మంత్రి శ్రీనివాస్​గౌడ్​ తెలిపారు. వీరజవాన్​ అంతిమయాత్రలో ఆయన పాల్గొన్నారు. మహబూబ్​నగర్​ జిల్లా గండీడ్​ మండలం గువ్వనికుంట తండా వాసి కొండచరియలు విరిగిపడి ప్రమాదవశాత్తు మరణించాడు.

వీరజవాన్ పరశురాం​ అంతిమయాత్రలో మంత్రి శ్రీనివాస్​ గౌడ్​ పాల్గొన్నారు. దేశసేవలో ప్రాణాలర్పించిన సైనికునికి నివాళులర్పించారు. ఈనెల 24న లద్దాఖ్​లోని లేహ్​లో కొండచరియలు విరిగిపడి ప్రమాదవశాత్తు మరణించాడు. స్వగ్రామమైన మహబూబ్​నగర్​ జిల్లా గండీడ్​ మండలం గువ్వనికుంట తండాలో అంతిమ సంస్కారాలు నిర్వహించారు. ప్రజలు పెద్దఎత్తున హాజరై అధికారిక లాంఛనాలతో తుది వీడ్కోలు పలికారు.

అమరుడైన జవాన్​ కుటుంబాన్ని అన్ని రకాలుగా ఆదుకుంటామని మంత్రి అన్నారు. ముఖ్యమంత్రి ఆదేశాలతో రూ.25 లక్షల సాయాన్ని ప్రకటించామని తెలిపారు. వారికి ఇల్లు కేటాయించి... ప్రభుత్వం తరపున అవసరమైన సహాయసహకారాలు అందిస్తామని వెల్లడించారు. అంతిమయాత్రలో పరిగి ఎమ్మెల్యే మహేశ్​రెడ్డి, అలంపూర్​ ఎమ్మెల్యే డాక్టర్​ అబ్రహం, అదనపు కలెక్టర్​ సీతారామరావు, అధికారులు పాల్గొన్నారు.

ఇదీ చూడండి:జవాన్ పరుశురాం మృతి పట్ల సంతాపం వ్యక్తం చేసిన దత్తాత్రేయ