4 ఇడ్లీలు 5 రూపాయలు@మహబూబ్​నగర్​

దేశంలో ఎక్కడా లేనివిధంగా జైళ్ల శాఖలో సంస్కరణలు చేపట్టారు. ఖైదీలకు జీవనోపాధిలో కల్పించేందుకు జైలు ఆవరణలో వివిధ వ్యాపారాలు నిర్వహిస్తున్నారు. మహబూబ్​నగర్​లో మొట్టమొదటగా 5 రూపాయలకే 4 ఇడ్లీలను అందించే కొత్త ఒరవడికి శ్రీకారం చుట్టారు.

నేరాలు చేసి జైలుకెళ్లిన వాళ్లలో మార్పు తెస్తున్నాయి జైళ్లశాఖలు. గత నాలుగేళ్లుగా జైళ్లలో తీసుకొచ్చిన సంస్కరణలు మంచి ఫలితాలు ఇస్తున్నాయి. రాష్ట్రవ్యాప్తంగా ఉన్న ఖైదీలకు కొత్త జీవితాన్ని అందిస్తున్నాయి. మహా పరివర్తనలో భాగంగా ఖైదీలకు పెట్రోల్​ బంకుల్లో ఉపాధి కల్పించగా.. మరికొంతమందికి వివిధ కుటీర పరిశ్రమల్లో ఉపాధి కల్పిస్తోంది. తాజాగా మొట్టమొదట మహబూబ్​నగర్​ జిల్లా జైలు ఆవరణలో ఐదు రూపాయలకే అల్పాహారంగా 4 ఇడ్లీలను అందించే కార్యక్రమాన్ని ప్రారంభించారు. అక్టోబర్​ 15న ఈ కార్యక్రమానికి శ్రీకారం చుట్టగా మూడు వారాల్లో సరాసరి 10 వేల వ్యాపారం సాగిస్తున్నారు. తక్కువ ధరకే అల్పాహారం అందడం, రుచికరంగా, నాణ్యంగా ఉండంటం వల్ల చాలమంది వరుస కడుతున్నారు.

ఇదే మహబూబ్​నగర్​ జిల్లా జైలు ఆవరణలో ఇంతకు ముందు ఏర్పాటు చేసిన పెట్రోల్​ బంకులు లాభాలలో నడుస్తున్నాయి. అలాగే కుటీర పరిశ్రమల ద్వారా బీర్వాలు, బెంచీలు, నోట్​పుస్తకాలను ఖైదీలు తయారు చేస్తున్నారు. వాటిని 'మై నేషన్' పేరుతో అమ్ముతున్నారు. ​ఇప్పుడు ఈ ఐదు రూపాయలకే అల్పాహారం కార్యక్రమాన్ని రాష్ట్రవ్యాప్తంగా ప్రారంభించేందుకు సన్నహాలు చేస్తున్నట్లు అధికారులు తెలిపారు.

ఇవీ చూడండి.. పాడుతూ స్టేజిపై నుంచి కిందపడ్డ పాప్ సింగర్