చికెన్​ తిని 30 మంది విద్యార్థులకు అస్వస్థత

కలుషిత చికెన్​ తినడం వల్ల 30 మంది విద్యార్థులు అస్వస్థకు గురైన ఘటన మహబూబ్​నగర్​ జిల్లా నారాయణపేటలో చోటు చేసుకుంది.

నారాయణపేట బీసీ ప్రభుత్వ బాలుర వసతి గృహంలో కలుషిత ఆహారం తిని 30 మంది విద్యార్థులు అస్వస్థతకు గురయ్యారు. చికిత్స నిమిత్తం వారిని స్థానిక ఏరియా ఆస్పత్రికి తరలించారు. రాత్రి భోజనంలో పాడైపోయిన చికెన్​ తినడం వల్లే బాలురు అనారోగ్యం చెందినట్లు వైద్యులు తెలిపారు. సంఘటన జరిగి మూడు గంటలు అయినా హాస్టల్ వార్డెన్​ తమ ఆరోగ్యం గురించి తెలుసుకునే ప్రయత్నం చేయలేదని విద్యార్థులు ఆవేదన చెందారు. వారిపైన ఉన్నతాధికారులు తగిన చర్యలు తీసుకోవాలని డిమాండ్ చేశారు.