ఉమ్మడి మహబూబ్నగర్ జిల్లాలో లాక్డౌన్ ప్రశాంతంగా కొనసాగుతోంది. ప్రభుత్వ ఆదేశాల ప్రకారం ఉదయం 10 గంటలకే అన్ని దుకాణాలు మూసేసి.. వ్యాపారులు ఇళ్లకు చేరుకున్నారు. తొలిరోజు కావడం వల్ల ఉదయం 11 గంటల వరకూ జనం రద్దీ కనిపించింది. అనంతరం రహదారులు క్రమంగా నిర్మానుష్యంగా మారాయి. అత్యవసర, మినహాయింపు ఇచ్చిన రంగాల వ్యక్తులు తప్ప రోడ్లపై జనం కనిపించలేదు. మహబూబ్నగర్ పట్టణంలో లాక్డౌన్ పరిస్థితిని ఎస్పీ వెంకటేశ్వర్లు పర్యవేక్షించారు.
జనాన్ని ఇబ్బంది పెట్టేందుకు లాక్డౌన్ విధించలేదని.. వైరస్ వ్యాప్తిని అరికట్టేందుకే అమలుచేస్తున్నట్లు చెప్పారు. ప్రజలు సహకరించాలని కోరారు. ఐదు జిల్లాల సరిహద్దుల వద్ద పోలీస్ చెక్పోస్ట్ ఏర్పాటు చేసినట్లు తెలిపారు.