'ఈనాడు ఛాంపియన్' క్రీడా పోటీలు ప్రారంభం

ఈనాడు స్పోర్ట్స్ లీగ్-2019 జిల్లాస్థాయి క్రీడాపోటీలను మహబూబ్​నగర్​లో జిల్లా ప్రత్యేక అధికారి వల్లూరి క్రాంత్రి ప్రారంభించారు. ఈ సందర్భంగా బ్యాటింగ్ చేసి క్రీడాకారులను ఉత్సాహపరిచారు.

గ్రామీణ క్రీడాకారులను ప్రోత్సహించేందుకు ఈనాడు నిర్వహిస్తున్న పోటీలు ఎంతో స్ఫూర్తిదాయకమని మహబూబ్​నగర్ జిల్లా ప్రత్యేక అధికారి వల్లూరి క్రాంతి అభిప్రాయపడ్డారు. పోటీల్లో గెలుపు ఓటములు సహజమని.... గెలుపొస్తే పొంగిపోయి.. ఓటమి పాలైతే కుంగిపోవద్దని హితవు పలికారు.

ఈ జిల్లా స్థాయిల్లో 24 సీనియర్ జట్లు, 36 జూనియర్ జట్లు పోటీ పడుతుండగా.. ఈ నెల 26 వరకూ పోటీలు కొనసాగనున్నాయి. మహబూబ్ నగర్ జిల్లా క్రికెట్ ఆసోసియేషన్ ఉపాధ్యక్షుడు సురేష్, స్కూల్ గేమ్స్ ఫెడరేషన్ సంయుక్త కార్యదర్శి వేణుగోపాల్ ప్రారంభోత్సవానికి హాజరయ్యారు.

ఇవీచూడండి:ఫాస్ట్‌ట్రాక్‌కోర్టుకు సమత హత్యాచార నిందితులు