మహబూబ్​నగర్​లో ఒక్కరోజే 50 పాజిటివ్​ కేసులు

రాష్ట్రంలోని జిల్లాలో కరోనా తన పంజా విసురుతోంది. పోలీసులు, వైద్యులు, పలువురు ప్రజా ప్రతినిధులు సైతం వైరస్ బారిన పడుతున్నారు. పాజిటివ్​ కేసులు ఎక్కువగా నమోదవుతున్న ప్రాంతాల్లో అధికారులు కంటైన్​మెంట్​ జోన్లను ఏర్పాటు చేస్తున్నారు.

జీహెచ్​ఎంసీతోపాటు జిల్లాల్లోనూ కరోనా విజృంభిస్తోంది. మహబూబ్​నగర్​ జిల్లాలో సోమవారం అత్యధికంగా 50 పాజిటివ్​ కేసులు నమోదయ్యాయి. వీరిలో ఇద్దరు పోలీసు సిబ్బందితోపాటు ఉద్యోగులు ఉన్నారు.

కొత్త కేసులతో జిల్లాలో బాధితుల సంఖ్యం 335కు చేరింది. మహబూబ్​నగర్​ పట్టణంలో పలు కాలనీలకు చెందిన 39 మంది కోవిడ్​ బారిన పడ్డారు. జడ్చర్లలో 9, బాలానగర్‌లో 3 కేసులు నమోదు కాగా.. సీసీకుంట, బోయపల్లి, ధమాయపల్లి, రాజాపూర్​లలో ఒక్కొక్క కేసు నమోదయ్యాయి. ప్రస్తుతం జిల్లాలో 161 కంటైన్‌మెంట్‌ జోన్లను అధికారులు ఏర్పాటు చేశారు.

ఇదీ చూడండి:టీపీసీసీ అధ్యక్షుని ఎంపిక కోసం మల్లగుల్లాలు.. పీఠం ఎవరికి దక్కేనో..!