పాలమూరులో నులిపురుగుల నివారణ మాత్రల పంపిణీ

ఆరోగ్యవంతమైన జీవితాన్ని పిల్లలకు అందించడం అందరి కర్తవ్యమని మహబూబ్​నగర్ జిల్లా కలెక్టర్ రొనాల్డ్ రాస్ అభిప్రాయపడ్డారు. జిల్లాలో 1 నుంచి 19 ఏళ్ల వరకు అందరికీ నులిపురుగుల నివారణ మాత్రలు వేసే విధంగా ఏర్పాట్లు చేయడం జరిగిందన్నారు.

జాతీయ నులిపురుగుల నివారణ దినోత్సవం సందర్భంగా జిల్లా కేంద్రంలో అవగాహన ర్యాలీలో కలెక్టర్ రొనాల్డ్ రాస్ పాల్గొన్నారు. పిల్లలు ఆరోగ్యవంతులుగా తయారైతే వారిలో నైపుణ్యం అభివృద్ధి చెందుతుందన్నారు. జిల్లాలో 1 నుంచి 19 వయసున్న వారందరికీ నులిపురుగుల నివారణ మాత్రలు వేసే విధంగా ఏర్పాట్లు చేయడం జరిగిందన్నారు. ఎవరైన వేసుకొని యెడల 16వ తేదీన మరోసారి ప్రత్యేక డ్రైవ్ నిర్వహించి 100% పూర్తి చేస్తామన్నారు.

జిల్లాలో 1185 అంగన్వాడీ కేంద్రాలలోని 43 వేల 353 మంది పిల్లలకు, 1240 పాఠశాలలోని 2 లక్షల మంది విద్యార్థులు, 30 జూనియర్ కళాశాలలో 25 వేల మంది విద్యార్థులకు ఆల్బెండజోల్ మాత్రలు వేసే విధంగా ప్రణాళికలు రూపొందించామన్నారు. వైద్య ఆరోగ్యశాఖతో పాటు విద్యాశాఖ, ఐసీడీఎస్ ప్రాజెక్టు అధికారుల సమన్వయంతో కార్యక్రమాన్ని విజయవంతంగా నిర్వహించేందుకు ఏర్పాట్లు చేశామన్నారు. ఈ రోజు విద్యార్థులందరికీ మాత్రలు వేసే విధంగా చర్యలు తీసుకున్నామన్నారు.

ఇదీ చూడండి : పరిమితికి మించి వాహనాల్లో ఎక్కిస్తే ఇక అంతే