బాధ్యతలు చేపట్టిన కలెక్టర్​ వెంకటరావు

మహబూబ్ నగర్ జిల్లా కలెక్టర్​గా వెంకటరావు సోమవారం బాధ్యతలు స్వీకరించారు. వివిధ శాఖలకు చెందిన జిల్లా స్థాయి అధికారులు నూతన కలెక్టర్​ను మర్యాదపూర్వకంగా కలిసి అభినందనలు తెలిపారు.

మహబూబ్ నగర్ జిల్లా కలెక్టర్​గా బదిలీపై వచ్చిన వెంకటరావు బాధ్యతలు స్వీకరించారు. నారాయణపేట కలెక్టర్​గా ఉంటూ బదిలీపై మహబూబ్ నగర్ పాలనాధికారిగా నియమితులయ్యారు.

కలెక్టర్ క్యాంపు కార్యాలయం లో జిల్లా అధికారుల సమక్షంలో బాధ్యతలను స్వీకరించారు. ఇప్పటివరకూ జిల్లా కలెక్టర్​గా ఉండి... బదిలీపై ఆర్థిక శాఖ కార్యదర్శిగా వెళ్తున్న రోనాల్డ్ రోస్... నూతన పాలనాధికారి వెంకట్ రావుకు బాధ్యతలు అప్పగించారు.

ఇదివరకు ఇక్కడ సంయుక్త కలెక్టర్​గా పనిచేసిన అనుభవం ఉండటం వల్ల పాలనను మరింత అభివృద్ధిలోకి తీసుకువెళ్లేందు కృషి చేస్తానని వెంకటరావు తెలిపారు.