కరోనాతో ప్రజల చనిపోతుంటే.. కనీస చర్యలు తీసుకోవడం లేదు: భట్టి

కరోనా బారిన పడి జనం పిట్టల్లా రాలిపోతున్నారని సీఎల్పీ నేత భట్టి విక్రమార్క వ్యాఖ్యానించారు. ప్రభుత్వాస్పత్రిలో చాలా ఉద్యోగాలు ఖాళీగా ఉన్నాయని వాటిని వెంటనే భర్తీ చేయాలని డిమాండ్ చేశారు. మహబూబ్​నగర్ ప్రభుత్వాస్పత్రిని ఆయన సందర్శించారు.

సీఎల్పీ నేత భట్టి విక్రమార్క మహబూబ్​నగర్​ ప్రభుత్వాస్పత్రిని సందర్శించారు. ప్రభుత్వాస్పత్రిలో కరోనా రోగులకు ఇస్తున్న చికిత్సల గురించి అడిగి తెలుసుకున్నారు. ఆస్పత్రిలో చాలా ఉద్యోగాలు ఖాళీగా ఉన్నాయని భట్టి తెలిపారు. వీటిని చూస్తుంటే చాలా బాధగా ఉందని ఆయన వ్యాఖ్యానించారు.

''ఆస్పత్రిలో చాలా ఉద్యోగాలు ఖాళీగా ఉన్నాయి. ఇలా ఉంటే ప్రజలను, రోగులను ఎవరు చూసుకుంటారు. రోగుల సంఖ్య గణనీయంగా పెరుగుతూ ఉంటే... ఉన్న డాక్టర్లే వారిని కాపాడేందుకు ప్రయత్నిస్తున్నారు. వైద్యులు ఒత్తిడంతా తీసుకుని... కనీసం విశ్రాంతి కూడా తీసుకోకుండా పేషేంట్లను కాపాడేందుకు పని చేస్తున్నారు.''

-సీఎల్పీ నేత భట్టి విక్రమార్క

కరోనా బారిన పడి జనం అంతా పిట్టల్లా రాలిపోతున్నారని భట్టి వ్యాఖ్యానించారు. కేసీఆర్ వైద్యారోగ్యశాఖతో ఒక్క రివ్యూ కూడా చేయకుండా నిర్లక్ష్యంగా వ్యవహరిస్తున్నారని... మిగులు బడ్జెట్​తో వచ్చిన రాష్ట్రాన్ని అప్పుల పాలు చేశారని ఆయన ఆరోపించారు.

ఇదీ చూడండి:ఆన్​లైన్ ఓనం: వేడుకల్లో అబ్బురపరిచిన చిన్నారులు