కరోనాతో తమ్ముడి మృతి.. గుండెపోటుతో అన్న మరణం

కరోనా మహమ్మారితో పోరాడుతూ ఆసుపత్రిలో ఓ వ్యక్తి మృతి చెందాడు. కాగా అంత్యక్రియల అనంతరం తన తమ్ముడి మరణాన్ని జీర్ణించుకోలేని అన్న గుండెపోటుతో మృతి చెందిన విషాద ఘటన మహబూబ్ నగర్ జిల్లా చిన్న చింతకుంట మండలంలో చోటుచేసుకుంది.

మహబూబ్​నగర్ జిల్లా చిన్న చింతకుంట మండలం పెద్ద వడ్డెమాన్ గ్రామంలోని ఓ కుటుంబంలో కరోనా మహమ్మారి విషాదాన్ని నింపింది. గ్రామానికి చెందిన ఓ వ్యక్తి పది రోజులుగా వైరస్​తో పోరాడుతూ జిల్లా ప్రభుత్వ ఆస్పత్రిలో చికిత్స పొందుతున్నాడు. అయితే అతని ఆరోగ్య పరిస్థితి విషమించి బుధవారం దవాఖానాలోనే చనిపోయాడు. గురువారము కుటుంబ సభ్యులు కొవిడ్​ నిబంధనలు పాటిస్తూ అతనికి స్వగ్రామంలో అంతక్రియలు నిర్వహించారు.

దహనసంస్కారాల అనంతరం ఇంటికి చేరుకున్న కాసేపటికే మృతుడి అన్న సుదర్శన్ రెడ్డి గుండెపోటుతో చనిపోవడం వల్ల ఆ కుటుంబం కన్నీరుమున్నీరుగా విలపించింది. ఒక్కరోజు వ్యవధిలోనే కరోనా కాటుతో తమ్ముడు.. తమ్ముడి మృతి జీర్ణించుకోలేక అన్న మరణంతో గ్రామంలో విషాద ఛాయలు నెలకొన్నాయి.

ఇదీ చూడండి: తమిళనాడులో మరో 5,835 మందికి కరోనా